العصا السحرية لحل مشاكل مصر

السلام عليكم ورحمة الله وبركاته

أعتقد دى أول مرة أفكر أكتب فى البلوج بتاعتى حاجة عن السياسة 

وأنا أصلا مكتبتش من زماااان

ووحشنى الكتابة 

المهم

اللى عايز أتكلم فيه النهارده هو العصا السحرية لحل المشاكل فى مصر

وقبل ما أبدأ أحب أوجه نداء هام للمسئولين عن الدولة

لو متملكش العصا دى أرجوك أمشى

أرجوك استقيل

أرجوك اعتذر

 

لكن متكملش وترجع تقول احنا معندناش العصا السحرية دى ……….

طيب عايز تعرف العصا السحرية دى ايه ؟؟

 

أقول لك ياباشا

 

العصا السحرية دى هى انك تحط أدام عينيك الجملة دى :

تحقيق الأهداف المخطط لها جيدا بأفضل وأشرف وأنبل الطرق مع الاستعداد للمرونة فى التطبيق

 

بس كده

الفكرة ببساطة تتلخص فى ان حضرتك الأول تخطط تخطيط سليم وواضح حتحل المشاكل الموجودة ازاى

ومش بس تحلها …. لا تعمل تطوير كمان … لأن حضرتك كمسئول مطلوب منك تطور وتعلى .. مش ان الدنيا تبقا ماشية كويس وخلاص

 

طيب التخطيط ده بيتم ازاى وخطواته ايه … أنصح حضرتك لو مش واضح عندك رد واضح وقوى للسؤال انك تعتذر فورا عن منصبك

بمعنى

لو مش مدرك ان التخطيط السليم لازم بيكون مربوط بخطة زمنية قوية وواضحة 

لازم يكون بيتحرك ناحية هدف انتا قادر تقيسه بالعوامل المعروفة

ولازم حاجات تانية كتير

 

تمام كده خلصنا أول جملتين : تحقيق الأهداف

 

بأفضل وأشرف وأنبل الطرق

أفضل يعنى طرق علمية مدروسة وعملت استشارتك لمجموعة من المستشارين المخلصين حقا

وأشرف وأنبل يعنى متقولش أصل مفيش الا كده أو تسمح بالظلم 

أو انك تقول الغاية تبرر الوسيلة والعك ده

سعادتك مطلوب منك تجيب طرق نضييييفة تحقق بيها الأهداف دى 

…..
أفضل الطرق أيضا تشمل ان حضرتك تتوصل لانك تخلق لنفسك وللى شغالين معاك طرق تخلى بيها الناس تساعدك وتقف جنبك

ورى الناس دايما انك بتسعى ليهم وعشانهم

 

 

 

 

وأخيرا

مع الاستعداد للمرونة فى التطبيق

 

بمعنى ان سعادتك لازم يكون عندك فكر معاصر

ولازم تكون مستعد لمواجهة تحديات جديدة فى تحقيق الأهداف دى

ولازم يكون عندك خطط بديلة

 

 

أخيرا ……
أرجو عزيزى المسئول انى مسمعش منك تانى كلمة لا أملك عصا سحرية

لأنك لو متملكهاش تبقا مش أهل انك تمسك المكان من الأصل

 

ولو مش حتقدر تحل هات غيرك يحل

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s