حماقة شعب

السلام عليكم ورحمة الله وبركاته

 

أولا اعذرونى على العنوان الصعب شوية وعلى الكلام كمان

وبستسحمكم أى حد يحس انه مش حيتقبل الكلام يوقف من الوأتى وفرصة سعيدة جدا وخليك اتكلم وقابل بعدين أسامة اللى بيضحك فى وش الناس كلها ومبيزعلش حد

مصر تكمل ؟؟ طيب معلش متجيش تتخانق معايا بعدين

 

فى الحقيقة انا قعدت سنين كتير بدافع عن الشعب ده

بس النهارده قررت أتخلى عن الدفاع ده للأبد

لأنى بصراحة وصلت للقرف بجد منه ومن كل اللى بيعمله

فى نفس الوقت

لو كان الموضوع طباع كان بقا الموضوع مقدور عليه

لكن بجد وبأمانة احنا شعب غبى 

وأحمق

وهمجى

وحاجات تانية كتييير أوى

 

للأسف الشديد بقول ده وبكتبه على النت

بس هيا دى الحقيقة 

 

واحدة واحدة بس ومتاخدش الكلام على أعصابك

بذمتك يا شيخ انتا مش شايف احنا بقينا عاملين ازاى؟؟

طيب يمكن نظرك ضعيف تعالا أوريك

 

مبدئيا كده 

الناس بقت بتصدق أى حاجة زى البهايم بالظبط

اه والله

مرسى حيبيع مصر كلها فى مزاد علنى

ايوة انتا صح

 

السيسى ده خاين وعميل ومعرفش ايه

برده انتا صح

 

طيب 

انتا مخك فين ؟؟

سواء انتا مع ده او مع ده

لو حتقول لى اصل انا على ادى يبقا اقول لك تخرس خالص

لو مش فاهم يبقا اسكت 

المعادلة سهلة أوى

لكن تفتح بقك وتقول كلام انتا نفسك مش فاهمة واحنا اللى نتعذب وراك ده مينفعش والله وكتير علينا

 

 

 

طيب

سيبك بقا من ده كله

تفتكر تنمية مصر تبدأ منين وانتا تقدر تعمل فيها ايه ؟؟

تنمية مصر تيجي من ان السيسى يبقا رئيس

أو واحد تانى يقول تيجي من ان مرسى يرجع

 

يا أخى متخليناش نخرج عن شعورنا

مطلوب مننا نفكر فى محاور كتير

مفيش فى دماغك فكرة تعمل بيها ولو حاجة بسيطة ؟؟

مفيش عندك مشروع كويس ممكن يفيد البلد

طيب بلاش عندك انتا

تفتكر مثلا سيناء تتعمر ازاى

تفتكر …

تفتكر …. تفتكر 

 

 

برده مفيش فى دماغه الا السيسى أو مرسى 

 

طيب بص

باختصار

الشعب اللى كله معلق فكره ودماغه ومعتمد على شخص وشايف ان هوا ده اللى حيعمل له كل حاجة

يبقا شعب أحمق

 

والأدهى والأصعب ان كماااااان هما بيتخانقو على الشخص ده

 

بصو بقا

انا اتخنقت والله

 

سامحونى على الاطالة

سامحونى على الأسلوب

 

بس الحقيقة 

لو واحد علق هنا وقال حاجة بخصوص مرسى أو السيسى لمجرد المتارجة بالقضية تانى اولا مش حعمل ابروف للكوممنت 

وتانيا مش عايز اعرفه تانى

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s