آل ايه لا للتجنيد الاجبارى

السلام عليكم ورحمة الله وبركاته

لحد النهارده لسه فاكر أيام ما كنت بروح أخلص ورق الجيش بتاعى

كنت رايح ومش عارف حياخدونى ولا لا

بس وقتها مكنتش بدعى انى مخشش الجيش

كنت بفكر انى أدعى انى أدخل

بس الناس قالولى لا متدعيش بكده ايه عررفك الخير فين

فكنت بدعى وأقول يارب يسر لى الأحسن

صحيح جوا الكام يوم اللى كنت بخلص فيهم ورق الجيش كنت دايخ جدا  ومعاملة بعض العسكريين من جوا منطقة التجنيد مكانتش ظريفة

بس أنا كنت فرحان أوى من جوايا باللحظة

أنا  ليا قيمة

أنا فى ناس زيى ماتت عشان تراب الوطن ده

وفى لحظة ما خدت الاعفاء الناس كانت بتبارك لى ونا عادى مش فرحان أوى ولا حاجة

بالعكس

لغاية النهارده كل ما أشوف عسكرى طالع عينه فى منطقة عسكرية أبقا بحسده

أيوة الجملة انتا قريتها صح

صحيح العسكرى ده متبهدل ووووو

بس نفس العسكرى ده لو صحح نيته حيبقا اسمه مرابط فى سبيل الله

والعسكرى ده بيطلع أقوى وأكثر قدرة على التحمل من قبل دخول الجيش

العسكرى ده رغم اللى هوا فيه بس عنده احساس انه متبهدل عشان خاطر بلده

وانه أقوى وأكثر رجولة من كل الناس اللى حواليه دى

وووو

بغض النظر عن ان فى ناس شايفة انى بزودها أوى

بس

كون ان فى ناس توصل بيها الدرجة انها تعمل جروب عالفيس بوك اسمه ” لا للتجنيد الاجبارى ” فأنا شايف ان دى خيانة للوطن ده

وان الجروب ده يوصل لأكثر من 600 فرد

يبقا احنا فى مصيبة

ويبقا حق الحكومة ترفض الحرب

محنا فعلا معندناش رجالة كفاية

وبعدين اذا بليتم فاستتروا

يعنى حضرتك شايف انك مش اد دخول الجيش اكتمها فى سرك

وادعى ان ربنا يكتب لك الخير

وحاول يعنى تتعلم يعنى ايه حب انى أدافع عن أرضى وعن دينى

لو معرفتش يبقا دارى نفسك

لكن كده

!!!!!!!!!!!!!!!!!!!!

يارب أنا راضى انك حطيتنى فى الزمان ده

بس  يارب هون عليا

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s