الشركات الماتى ناشيونال

بمناسبة ان عندى بكرة انترفيو مع اريكسون فالموضوع بيلعب فى مخى كتير أوى

وبما ان عندى امتحان لينكس برده بكرة

فالنتيجة

انى فاضى

هههههههه

أيوة يا جماعة ده الطبيعى عندى

أنا دايما بحب أراجع فى أى يوم الا ليلة الامتحان الا لو الواحد مش عارف حاجة خالص وبيبقا الموضوع تقيل

المهم نرجع لموضوعنا

الشركات الماتى ناشيونال ياترى هيا فى مصلحتنا ؟؟

وياترى أنا أبقا بعمل حاجة كويسة لبلدى لما أروح أشتغل فيها ؟؟

وبفرض انها خير

طيب هيا تفيد البلد أكتر ولا ان شركاتنا احنا اللى تكبر

بمعنى أدق وأبسط

كواحد دخل المجال عشان نفسه يعمل نهضة

ينفع أخش اريكسون مثلا بنية انى أعمل نهضة ؟

مش عارف

لغاية وقت قريب جدا كنت رافض الموضوع نهائيا

بس افرض ملقيتش غيرها

أو الشركات التانية طلعت ناوية تمص دمى وبس

وكمان بعد كام مرة اتكلمت فيهم مع ناس من الكبار فى المحال

العتاولة يعنى 😀

قالولى ان كل ما الشركات الماتى ناشيونال تكبر كل ما بقينا ماسكين مصالح ليهم

وكل ما بقا احتمال ان ييجى علينا الدور اننا نتعلم ونعمل حاجات زى كده أكتر

مهو اللى بيفتح محل ملابس بيكون اشتغل قبل كده فى محل ملابس

وبعدين اتعلم الصنعة وشربها

ويعدين فتح محل

مش عارف

بس كمان فى شركات منهم بتضطهد المسلمين جوه

أيوة للى مستغرب الكلام ده صح وبأدلة

أتمنى ان ربنا يكرمنى بشركة مصرية

أعمل فيها مجهود يتحط فى ميزانية بلدى

ولو جرالى حاجة فمرة ونا شغال أحس انى آخر حاجة عملتها فعلا متأكد تماما انى عملتها لله

لكن شركة مالتى ناشيونال مثلا وأعرف بعدين ان اليهود ليهم أكبر نصيب فيها

ولا شركة زى أوراكل أصلا يهودية

بصراحة متمناهاش أوى

اللهم ارزقنا الاخلاص فى القول والعمل

واقسم لنا الرزق الطيب الحلال آميييييييين

Advertisements

3 thoughts on “الشركات الماتى ناشيونال

  1. السلام عليكم

    موضوعك شدني اوي يا أ/أسامه
    مش عارفه أجاوب علي السؤال اللي حضرتك طرحته إزاي

    هو في الغالب المهندسين و الموظفين الصغيرين ( اللي زي حالاتنا كده يعني ;))
    بيكونوا منفصلين تماما عن إدارة الشركه و بالتالي سياساتها و إستراتيجياتها

    و للأسف في عالم التكنولوجيا و السوفت وير – للأسف فعلا – إحنا ضعاف جدا جدا و سيطرتنا – كدول و ثقافات – ضعيفه أوي
    فا بالتالي الشركات الأجنبيه الكبيره دي هي اللي بتوجه السوق و بتفرض أفكارها و سياستها و مش بيكون في إمكاننا إن يكون لينا موقف إيجابي بالقدر الكافي تجاهها سواء كانت معانا أو ضدنا

    فا أعتقد لما اجي أشتغل .. و طالما لسه مفيش كيانات مصريه بجد تنافس الشركات دي … يبقي علي الأقل إختياراتي مايكونش فيها الشركات اللي ليها توجهات صارخه ضد مصلحتنا .. زي الشركات اللي بتدعم إسرائيل مثلا و غيره

    و للأسف زي ما حضرتك قلت … إحنا محتاجين و مضطرين لكده لحد ما نتعلم بجد و نقدر نقف علي رجلينا و يبقي لينا تواجد – أتمني يكون مصري – ينافس أكبر شركات العالم
    و أتمني إنه ده يتحقق علي إيدينا بإذن الله
    🙂

    جزاكم الله كل خير يا أ/أسامه علي الموضوع
    و علي فكره أنا شرفني جدا زيارتك لمدونتي
    🙂

    سلام عليكم

  2. صديقي واخوي العزيز وابن خالتي ووووووووحاجات كتير كده …..اسامة

    مبروك يا جميل علي المدونه ولو انها متأخرة

    لكن انت يمكن عارف انا كنت عايش وما زلت شوية يعني في حالة من عدم الاستقرار ولكن متأكد انك مقدر كده

    موضوع جمل اوي يا اس

    ولو عايز نصيحتي امسك العصاية من النص

    دور علي شركة مصريه محترمة والحمد لله مش قليلين

    زي itworx, its و thebe,………….

    الحمد لله في كتير

    واولا واخيرا فوض الامر لربنا وتوكل عليه بقلب جامد وانا متاكد انك عامل كده وحتوصل للخير ان شاء الله

  3. ياااااااااااااااااااااااه أبو حميد يبنى والله انتا واحشنى جدااااااااااااااااااااااااااااا وأنا فرحان أوى أوى انى
    شفت البوست بتاعك ده

    ان شاء الله نتمنى ان ربنا يكرم يبو حميد
    العملية مش واضحة أوى اليومين دول بس كل اللى أعرفه ان ربنا حيكرم ان شاء الله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s