أصحابى

من يومين حصل معايا موقف خلانى بجد حسيت أوى أوى بنعمة الأصحاب اللى عرفتهم فى اى تى اى

كان رقم موبيلى اتغير

ووقفت مع واحد صاحبى فقلتله خد بقا الرقم الجديد

تلاتة صحابى معديين وقفوا وقالولى وحنا لا ؟؟ هات الرقم ياد

وفى نفس الوقت جه يمكن مثلا تلاته أربعة تانيين

والدائرة كبرت بسرعة أوى

هههههههه

ساعتها بجد حسيت بحاجة جميلة أوى جوايا

الحمد لله يارب على نعمة الأصحاب

كل دى ناس بتحبنى وبحبها

بتمنى ليها الخير وبيتمنوا لى الخير

يمكن سبحان الله طول عمرى ليا أصحاب كتير

بس مش دايما مبلاقيش معايا الصاحب القريب أوى اللى بيسموه أنتيم

أو بمعنى أصح

لازم أروح بعد ما أعرفه فبلد وهوا يبقا فى بلد تانية

يعنى صاحبى الانتيم بتاع ثانوى راح المنصورة وبعديها العاشر

ونا رحت بورسعيد

ونا فى المعهد كان فى واحد تانى قريب ليا أوى

بس كان من بنى سويف

فخلصنا ومن بعدها والظروف مخلية آخرنا تليفونات

الا يوم فرحه سافرت له

بعد المعهد لمدة سنة كاملة كنت فى الشركة مع ال2 الشركاء معايا اخوات اخوات بجد

بس بعديها دخلت اى تى اى ومش عارف النظام ايه بعديها

حاسس ان حيجيلى ان شاء الله فرصة كويسة وبعديها حسيب أنا بورسعيد

يمكن فعلا اللى معوض الحتة دى شوية الحمد لله انى فعلا عندى قدرة جميلة انى أفضل على اتصال بناس كتيرة فى نفس الوقت

لدرجة ان بعض اصحابى بيقولولى انى ابقا حلو أوى لو اشتغلت فى الاتش ار

عشان دى وعشان حاجات تانية

حاليا بحاول انى أطور نفسى فى التكنيكال ان شاء الله

عشان مبقاش زى البلونة

اللى من بره شكلها جامد أوى بس من جواها فاضية

وده عيب ان يكون عند أى حد فى فرق كبير بين الناحية التكنيكال وناحية الاتش ار

Advertisements

4 thoughts on “أصحابى

  1. السلام عليكم
    والله يا بشمهندس انا شايفة انى كل ما اكتسب صديقة جديدة ف حياتى
    كانى بالظبط اضفت عملة ذهبية ف جيبى
    وعلى قد ما هقدر احافظ على العملات دى انها تقع من جيبى
    وسط زحمة الحياة والجرى والسعى على قد ما هحقق التوازن فى حياتى ..
    بس العملات دى كمان ليها دور
    المفروض انها متكونش سبب فى بطء حركتى وتقدمى
    بل بالعكس تكون سبب فى تطورى يوم عن يوم
    وكمان تقدر مشاغلى اللى بتزيد باستمرار
    وتخلى نوع التواصل بينا يختلف
    بدل ما كان زيارات بصفة مستمرة مثلا
    يبقى تليفونات
    وان كانت التليفونات متغنيش اوى
    بس احسن من مفيش

    تقبل مرورى ورايى ..
    وفى انتظار ال post
    الجاى

  2. دكتورة Mooon

    شكرا على المرور الجميل

    طبيعى ان الواحد/ة يحاول يحافظ دايما على الأصحاب والعلاقات
    وده الحمد لله بعمله كويس وبرده الحمد لله بنقى دايما صحابى من النوع اللى مبينساش صاحبه أبدا

    وفعلا زى ما حضرتك قلتى
    فعلا مهما الواحد عمل التليفونات مش حتغنى
    وأقصى حاجة نقولها عليها للأسف انها يدوب أحسن من مفيش

    خالص احترامى

  3. الصداقة احلي شئ في الحياة
    و فعلا مرحلة الاي تي اي اضافات لي اصدقاء كثر ازعم انك منهم يا اسامة
    تقبل مروري

    1. 1-Thanx begaad hatem 3la el ehtmam be my blog …we begaad nawartny
      2-I am happy I am one of the friends u r talking about 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s