السلام عليكم ورحمة الله وبركاته
اليوم نبدأ أولى حلقات تعليم بى اتش بى
نرجو من الله تعالى أن تكون فى ميزان حسناتنا
نبدأ بالسؤال المهم
ما هى بى اتش بى ؟
server side programming language
أى لغة برمجة يتم تشغيلها على الجانب الخاص بالسيرفر
بمعنى آخر
يتم تنفيذ الأكواد الخاصة باللغة على السيرفر وليس على جهاز العميل
وهى أيضا
scripting language and not programming language
وده حنتكلم عنه بعدين
طيب أيضا لغة بى اتش بى هى لغة للويب
يعنى ايه برده ؟؟
ببساطة الويب كله شغال فى النهاية باتش تى ام ال
بمعنى
انا لما بدخل على أى سايت
النتيجة اللى بتوصل للجهاز عندى وبشوفها على البراوزر سواء كان فايرفوكس أو انترنت اكسبلورر أو غيره هى صفحة مكتوبة باتش تى ام ال
المشكلة ان اتش تى ام ال لغة محدودة جدا ومش لغة برمجة كمان
لانها مجرد
markup language
ودى حنعرف معناها بعدين بس باختصار مجرد شوية تاجات بتعرض حاجات بشكل معين
لكن مفيهاش مثلا انى أشوف حاجة استقبلتها صح ولا غلط
مفيهاش انى أبص على قيمة اليوزر دخلها وأقارنها بواحدة تانية من قاعدة البيانات
بالتالى كان الحل انهم يعملو لغات بتوسع نطاق التعامل داخل الويب
ببساطة
لغة بتنفذ كل اللوجيك أو المنطق اللى احنا عايزينه وتحوله فى الآخر لصفحة اتش تى ام ال
يعنى ناخد مثال
يوزر دخل على سايت معين
السايت رد عليه بصفحة اتش تى ام ال وفيهم خانات فاضية يكتب فيهم اليوزر نيم والباسوورد بتاعه
اليوزر كتب اليوزرنيم والباسوورد بتوعه
بمجرد ما عمل انتر البراوزر بعت البيانات دى كلها للسايت
هنا السيرفر بيلاقى انه محتاج يعمل عمليات منطقية معينة ويقارن اليوزر نيم والباسوورد دول باللى عنده فى قاعدة البيانات وخلافه فبيبعت للجزء جواه الخاص باللغة اللى مكتوب بيها الكود ده اللى فى حالتنا حيكون بى اتش بى
الجزء اللى فى السيرفر أو البرنامج يعنى اللى بيشغل كود البى اتش بى بيستقبل الطلب وينفذه ويطلع نتيجة عبارة عن كلام مكتوب بالاتش تى ام ال
السيرفر بيضم الكلام ده على الصفحة الرئيسية ويرد بيهم على اليوزر
أوك حنلاقى هنا كتب كتير وفيديوهات كتير بتبدأ تتكلم عن تاريح اللغة دى وتتغزل فيها شوية أنا حخش فى الموضوع بسرعة أكبر شوية
طيب حضرتك الوأتى عايز تبدأ تستعمل بى اتش بى
لو انتا على جهاز ويندوز وده غالبا للأسف فحتتحاج تنزل حاجة اسمها وامب
wamp
واعمل لها تثبيت
بعدها مفروض ان فى مكان معين فى الجهاز لو حطيت فيه ملفات بى اتش بى
وبعدها
رحت فتحت البراوزر بتاعك على
http://127.0.0.1/filename.php
انه يفتح معاك
ولو عملت فى المكان ده فايل اسمه
index.php
حيشتغل معاك من غير ما تكتب اسم الفايل أساسا
لو موصلتش انك قادر تكتب كود بى اتش بى وتشوف نتيجته عندك فى البراوزر تقدر تبص على اللنك ده على يوتيوب
http://www.youtube.com/results?search_query=wamp&aq=f
الوأتى حنبدأ نشوف أشهر فنكشن فى البى اتش بى
phpinfo();
وده وظيفته اظهار معلومات عن الويب سيرفر والبى اتش بى
فى أمان الله والى اللقاء فى الحلقة التالية
